Կլոր սեղան կրթական ծրագրերի փոխանակում. Կլոր սեղան Գեղամավանի միջնակարգ դպրոցում
Աշնանային ամենամյա բաց հավաքի օրերին Ավագ դպրոց-վարժարանի
սովորողների մի մեծ խմբով մեկնեցինք Գեղարքունիքի
մարզի Գեղամավան գյուղի միջնակարգ դպրոց: Վաղուց էինք սպասում այդ հանդիպմանը և ասեմ,
որ շատ լավ էինք նախապատրաստվել: Այսպիսի դեպքերում է, որ անհրաժեշտ է ասել՝ հանդիպումը
կայացավ: Մեզ դիմավորեցին աղ ու հացով, երգ ու պարով, իսկական հարազատների նման:
Այնուհետև մենք շրջեցինք
դպրոցում, ծանոթացանք երեխաների առօրյային. Հաճելիորեն զարմացած էինք. չէինք սպասում
այդքան գեղեցիկ, լավ վերանորոգված ու կահավորված դպրոց տեսնել: Հետո մեր հերթն էր:
Կրթական ծրագրերի փոխանակման նպատակով իրար հերթ չտալով պատմեցինք մեր կրթահամալիրի,
այնտեղ իրականացվող ծրագրերի, նախագծերի, աշխատանքների մասին: Ցույց տվեցինք մեր MSKH
կայքը՝ իր ենթակայքերով, սովորողների ու դասավանդողների բլոգները, հատվածներ մեր առօրյան
ներկայացնող ֆիլմից, Սեբաստացիներ երգչախմբից: Տպավորությունը շատ լավ էր: Պայմանավորվել
ենք կրկին հանդիպել:
Комментарии
Отправить комментарий