Օլիմպիադա, օլիմպիադա ....

Փետրվարի 3-ին մենք՝ ավագ դպրոցի հայոց լեզվի ընտրությամբ քերականության խմբի սովորողներս մասնակցեցինք հայոց լեզվի օլիմպիադայի մարզական փուլին: Մի քիչ լարված, մի քիչ անսովոր էր ամեն ինչ: Այնպիսի տպավորություն էր, կարծես իսկական քննության ենք գնում, այո՛, մի՛ զարմացեք, չէ՞ որ մեզնից ոչ ոք լրացուցիչ կրկնուսույցի մոտ չի պարապում: Լարվածությունն այդպես էլ չանցավ. անգամ հարցաթերթիկները, որոնցում ներառված էին հարցեր, որոնք այնքան էլ բարդ չէին, հասկանալի էին, չօգնեցին, որպեսզի մենք զգայինք ազատ, ու վերանար վախի զգացողությունը: Հա՞րց տալ՝ ո՛չ: Շրջվել կամ …. Թվում էր՝ ընկել ենք մի փակ գոտի, որտեղից դուրս գալուն կօգներ միայն փախուստը: Իսկ մենք՝ որպես իսկական սեբաստացիներ, օլիմպիադային գնացել էինք երգ ու պարով:

Комментарии

Популярные сообщения