Ի՞նչ է երջանկությունը
Հետաքրքիր մի հարց՝ իսկ որ՞ն է երջանկությունը, իմ երջանկությունը կամ մեր երջանկությունը…որ ըստ այդմ էլ փորձենք արժևորել մեր օրը պահի իրականության մեջ: Նրա մասին խոսում են անդադար,
բայց, չգիտես ինչու այն երբեք չի համապատասխանում իմ պատկերացումներին ու սպասումներին: Այո մարդիկ տարբեր են,
տարբեր է նաև երջանկությունը, դժվար թե սիրահար երիտասարդի ու արդեն կյանքի մայրամուտն ապրող տատիկի,
կամ անբուժելի հիվանդությամբ տառապողի, ու կամել թե որբ փոքրիկի երջանկություն կոչվածը նույնը լինի:
Իսկ գուցե երջանկությունը հենց այս ակնթարթն է, հենց այս թարմ ու արբեցնող օդը, հենց այստեղ ու հենց հիմա…Ի՞նչ
է պակասում մեզ բոլորիս լինել երջանիկ, միգուցե հու՞յս, սե՞ր, հավա՞տ…Որտե՞ղ է թաքնված երջանիկ լինելու գաղտնիքը,
այն շատ մոտ է մեզ, մնում է միայն նկատել այն և ճիշտ ունկնդիր լինել մեր վեցերորդ զգայարանին:
Չնայած այն հանգամանքին, որ ես բավականին կարևորում եմ նյութականի առկայությունը երջանիկ կյանքի համար,
սակայն այնուամենայնիվ ինձ թվում է, որ երջանիկ կարելի է լինել երբ ներում ես ու ներված ես, երբ հաշտ ես քո սեփական ես-ի
հետ և ունես ներքին ներդաշնակություն, երբ գիտես, որ քո կարիքն են զգում և դու կարող ես ձեռք մեկնել ու թեկուզ այդ հասարակ ժպիտով մարդկանց հաղորդել ամենակարևորը՝
հույս, և նրանք զգա՛ն, որ մարդ են և մենակ չեն այս աշխարհում պայքարելու դժգույն իրականության դժվարություններին: Ամենազոր ուժը,
որ մեզ մղում է պայքարելու, առաջ ընթանալու և բոլոր քարքարոտ ճանապարհները հարթելու, այն գիտակցումն
է, որ պարգևատրվելու ենք մեծագույն երջանկությամբ:
Комментарии
Отправить комментарий