Շուրջ մեկ ժամ «Փարոս»-ի խաղաղ հնչյունների ներքո ...

Այսօր առաջին անգամ «Մխիթար Սեբաստացի» կթրահամալիրի Մեդիակենտրոնում համերգով հանդես եկավ «Փարոս» երգչախումբը (գեղարվեստական ղեկավար և խմբավար՝ Րաֆֆի Միքայելյան): Իր գործունեության ընթացքում երգչախումբը բազմաթիվ ելույթներ է ունեցել ինչպես Երևանում և Հայաստանի տարբեր շրջաններում, այնպես էլ՝ արտերկրում։
Շատ հետաքրքիր ու ոչ սովորական երգչախումբ է «Փարոսը»․ աշխարհում միակ երգչախումբն է, որի անդամների մեծ մասը սայլակ օգտագործող հաշմանդամներ են։ Մինչև համերգի սկիզբը կազմակերպչական խմբով Մեդիակենտրոնը պատրաստեցինք համերգինսրահի դասավորություն, նվերների պատրաստում, հյուրասիրություն․․․ Համերգը սկսվեց ինչպես միշտ ճիշտ և ճիշտ ժամանակին՝ 15:00: Համերգին ես վաղուց էի պատրաստվում և սպասում։ Քառասուն րոպե տևած այդ համերգը մեզ լիարժեք հանգստություն ու խաղաղություն պարգևեց՝ կտրելով առօրյայից: Շնորհակալ եմ շատ և՛ «Փարոս» երգչախմբի բոլոր անդամներին, և՛ մեր կրթահամալիրին, որ մեզ նման հանդիպումներին մասնակից լինելու հնարավորություն է տալիս, և՛ այդ համերգի բոլոր կազմակերպիչներին:











Комментарии

Популярные сообщения