Ուղղությունը Վրաստան՝ Բուլաչաուրի

Վաղը մենք կուղևորվենք Վրաստան՝ Բուլաչաուրի: Կրթահամալիրից մեկնում ենք  4 սովորողներ՝ Նալբանդյան Հասմիկի ղեկավարությամբ: Մեզ է միանալու  նաև Հայաստանի  Լոռու մարզի  դպրոցների  ինը սովորող:

Մի փոքր պատմեմ այն վայրի մասին, որտեղ  տաս օր շարունակ մեր ուսումնական հանգիստն  ենք անցկացնելու՝  ներկայանալու ենք և ներկայացնելու ենք մեր կրթահամալիրում կատարած էկոլոգիական աշխատանքները, մասնակցելու ենք այնտեղ կազմակերպվող ուսումնական պարպմունքներին, ճամփորդելու ենք, ճանաչելու ենք   մեր հարևանների երկիրը, ծանոթանալու ենք  նրանց էկոլոգիական խնդիրներին:

 Բուլաչաուրի ավանը գտնվում է Թբիլիսից 40 կմ հեռավորության վրա: Այն շատ գեղեցիկ,  կանաչ տարածք է:

Մենք ապրելու ենք «Green Center»- ի «Bulachauri»  հյուրանոցում:  Բուլաչարին թարգմանաբար նշանակում է կանաչ կենտրոն: Կանաչ կենտրոնում անց են կացվում դասընթացներ, սեմինարներ, աշխատանքային հանդիպումներ, սեզոնային դպրոցներ, էկո - ճամբարներ և այլն:

Կենտրոնն ունի լիարժեք կահավորված նիստերի դահլիճ, բիզնես սենյակ՝ հարմարեցված 50 անձի համար, սրճարան, 17 երկտեղանոց սենյակ և այլն: «Green Center»- ը ունի նաև բավականին ընդարձակ և հարմարեցված կենտրոն՝ հատուկ նախատեսված է ամառային ճամբարներ՝ հատկապես էկոլոգիական, իրականացնելու համար: Այս տարի ևս  կազմակերպվել է  միջազգային էկոճամբար, որին մասնակցելու հնարավորություն ունենք նաև մենք՝ սեբաստացիներս:

Ներկայանալու ենք որպես էկոակումբ: Ունենք էկոլոգիական տարբեր նախագծեր,  հատուկ էկո շապիկներ և էկոլոգիայի մասին հարուստ գիտելիքներով խումբ:

 Համոզված եմ, որ պատվով կներկայացնենք Հայաստանը և կստանանք հաջորդ տարվա հրավեր:

  Մանրամասն այստեղ ՝ http://bulachauri.cenn.org/index.php?lang_id=2  :