Վայելել է պետք կյանքի հավես ժամերը



Ուսումնական ճամփորդությանը կարևորություն տալ՝ իր տևողությունից ելնելով, ըստ իս, ճիշտ բան չէ: Ե՛վ սովորող լինելու ընթացքում, և՛ հիմա՝ որպես այդ ճամփորդությունների կազմակերպիչ, ես այդ օրվան կամ օրերին պատրաստվում եմ նույն եռանդով և դա շատ լավ է, խորհուրդ եմ տալիս լինե՛լ այդպիսին:

Շնորհակալ ենք Սոնա Փափազյանին ֆեյսբուքյան իր հետաքրքրությունների համար: Հենց իր մոտ ես գտա դեպի Լեռնանիստ ուղղությունը, որն էլ, ինչպես ասում են, ցեցը գցեց մեջներս: Մի զանգ, մի պայմանավորվածություն, հայտարարություն և համապատասխան տրամադրությունով զինված խումբը պատրաստ է:
Ձմեռային կյանքը վայելել է պետք. վայելել հենց այնպես, ինչպես մենք վայելեցինք այսօրվա մեր ժամերը: 2019-ի մեկնարկը գեղեցկանում է հենց ձմեռային մարզական խաղերով:
Հետաքրքիր խումբ էր, կազմված՝ 16 սովորողից և 2 կազմակերպչից: Այս խմբում կային շատ ճամփորդող, շատ քիչ ճամփորդող և գրեթե չճամփորդող սովորողներ: Առանձնացնել ցանկանում եմ 11-րդ դասարանի երկու սովորողի՝ Էլիզային Աբրահամյան և Ռիմային Սիմոնյան, ովքեր արդեն երկրորդ տարին է, ինչ սովորում են կրթահամալիրի Ավագ դպրոցում, սակայն առաջին (վրիպելու դեպքում՝ երկրորդ) անգամ ցանկություն հայտնեցին ճամփորդել մեր խմբի հետ: Սիրելիներս, սա թող լինի ձեր ճամփորդական կյանքի սիրուն օրերից. նորովի լավն էիք՝ երկուսդ էլ: Շատերը կսպասեն մեր գեղեցկադեմ լուսանկարների շարքին, առավելապես երբ խմբում էր Եվա Բերբերյանը՝ Ավագ դպրոցի կինո-ֆոտո խմբից, բայց, պետք է ասեմ, որ այսօր մենք չունենք դրանք, քանի որ եղանակն այնտեղ չթողեց աշխատել որևէ տեխնիկայի: Մենք սիրում ենք այստեսակ օրերը. իրական, սովորեցնող են դրանք, թող շատ լինեն բոլորիս կյանքում:

















Комментарии


  1. My compliments for your blog and pictures included,I invite you in my photoblog "IMAGES AND PERSPECTIVES" and "video blog".

    CLICK IMAGES AND PERSPECTIVES

    CLICK VIDEO BLOG

    Greetings from Italy

    ОтветитьУдалить

Отправить комментарий

Популярные сообщения